AMM 2024: ХАЛЫҚАРАЛЫҚ САРАПШЫЛАР МЕН КӨШБАСШЫЛАР АСТАНАДАҒЫ ТАУ-КЕН МЕТАЛЛУРГИЯ САЛАСЫНЫҢ СЫН-ҚАТЕРЛЕРІ МЕН ПЕРСПЕКТИВАЛАРЫН ТАЛҚЫЛАДЫ
6 МАУСЫМ КҮНІ HILTON ASTANA ҚОНАҚ ҮЙІНДЕ 14-ШІ ХАЛЫҚАРАЛЫҚ ТАУ-КЕН МЕТАЛЛУРГИЯ ASTANA MINING & METALLURGY – AMM 2024 КОНГРЕСІ ӨЗ ЖҰМЫСЫН БАСТАДЫ.
АММ конгресі серіктестік қатынастарды құру, тәжірибе алмасу және ТМК өзекті мәселелерін талқылау үшін саланың ірі ойыншылары министрлік, салалық қауымдастықтар және бизнес өкілдерімен кездесетін бірегей платформа ретінде әрекет етеді. 2024 жылы Конгреске әлемнің 20 елінен (Қазақстан, Дания, БАӘ, Германия, Сауд Арабиясы, Ұлыбритания, Франция, Австралия, Моңғолия, Канада, Үндістан, Швейцария, Қытай, Ресей, АҚШ, Польша, Финляндия, Жапония, Түркия, Бельгия) 1 280 делегат қатысады, бұл халықаралық ұйымдардың Қазақстанның ТМК стратегиялық дамуына ықпал ететін Орталық Азияның жетекші оқиғаларының біріне қызығушылығын растайды.
Конгресс жұмысының бірінші күнінде тау-кен металлургия өнеркәсібінің дамуына байланысты көптеген мәселелер қаралды. Конгресс бағдарламасын «Металдар дәуірі – сын-қатерлер мен шешімдер» атты Пленарлық отырыс ашты. Сарапшылар әлемдік тау-кен металлургия және уран өнеркәсібінің жаһандық сын-қатерлерін шешудегі халықаралық ынтымақтастықтың рөлін талқылады. Модератор Boston Consulting Group басқарушы директоры және серіктесі Михаил Волков болды. Пленарлық отырыстың спикерлері Қазақстан Республикасының Өнеркәсіп және құрылыс министрі Қанат Шарлапаев, Франция Премьер-Министрінің Кеңсесі, кен және металдарды стратегиялық жеткізу жөніндегі ведомствоаралық делегат Бенжамен Галлезот, CRIRSCO президенті Гарт Кирхэм; «Еуразиялық Топ» ЖШС Бас директоры Серік Шахажанов; «Kazakhmys Smelting» ЖШС Бас директоры Жәнібек Байғабелов; Hatch жаһандық Басқарушы директоры Тина Армстронг.
ҚР Өнеркәсіп және құрылыс министрі Қ. Шарлапаев өз сөзінде: «Қазақстанның тау-кен индустриясында бүгінде 200 мыңнан астам адам жұмыс істейді. Біз осы салада үлкен құзырет құрдық. Біз сирек кездесетін металдарды дамытудың үлкен кешенді жоспарын қабылдадық. Біздің көзқарасымыз өте қарапайым. Біз сирек және сирек жер металдарында midstream country болғымыз келеді. Қазақстан күрделі шикізат материалдарын өндіру саласында құзыреттілікке ие бола отырып, жаһандық жеткізілім тізбегінде орнықты жеткізуші ретінде берік орнықты. Мысалы, әлемдегі үш бериллий, скандий, осмий және төрт толық циклді тантал өндірісінің бірі Қазақстанда орналасқан. Біз үлкен жұмысты жалғастырамыз».
Сондай-ақ, Министр елдегі титан өндірісін атап өтті, ол аэроғарыш өнеркәсібінде 21%-ын, әлемдік сұраныстың 43%-ын қамтамасыз ететін уранды, сондай-ақ мыс, алюминий, мырыш және қорғасынды қамтиды. Қ. Шарлапаев осының арқасында біз болашақта тау-кен индустриясының дамуына сенімді түрде қарайтынымызды атап өтті.
АММ конгрессі аясында Қ. Шарлапаев бірқатар екіжақты кездесулер өткізді, соның ішінде Германияның минералды ресурстар агенттігінің (DERA) басшысы Питер Бухгольцпен, Франция Премьер-Министрінің Кеңсесі, кен және металдарды стратегиялық жеткізу жөніндегі ведомствоаралық делегат Бенджамен Галлезотпен , Еуропалық комиссияның бас директорының бас кеңесшісі Генрик Хололеймен, CRIRSCO төрағасы Гарт Кирхэммен, Канадалық тау-кен институтының директоры (CIM), Hatch компаниясының жаһандық басқарушы директоры Тина Армстронгпен, Қазақстанмен ынтымақтастық мәселелері бойынша ТМК саласындағы бірқатар ірі канадалық және британдық компаниялармен.
Сондай-ақ, Пленарлық отырыстың құрметті қонақтары мен спикерлері АММ 2024 көрмесінің экспозициясымен танысты. KAZ Minerals, ERA, Қазақмыс, Казцинк, Polymetal, Алтыналмас, Ұлттық геологиялық қызмет, ИТП ДКҚ сияқты компаниялар өздерінің жаңа жобалары мен инновациялық әзірлемелерін ұсынды. 2024 жылғы экспозицияда 12 елден - Швейцария, Қытай, Қазақстан, Ресей, Кипр, АҚШ, Польша, Финляндия, Германия, Жапония, Франция, Түркиядан 41 компания өздерін стенд арқылы таныстырды. Стендтердің 58%-ын қазақстандық компаниялар ұйымдастырды, олардың құрамында отандық өндірушілер де, дистрибьюторлар да бар, 2024 жылғы экспоненттердің жалпы санының 42%-ын халықаралық компаниялар құрайды.
350 шаршы метрден асатын кеңейтілген экспозициялық алаңда тау-кен металлургия саласына арналған озық технологиялық шешімдер мен жабдықтарды қамтитын тауарлар мен қызметтердің кең ассортимент таныстырылды. Көрмеде алғаш рет өз өнімдерін ұсынған компаниялар: AV Group, Alef Trade, Геобругг, Derrick Corporation, Евразия Техмашинери, Лабвэа, Magotteaux S.A., Миаком Спб, Mount Sopris, Netcad Yazilim A.Ş, Новомэк, Satbayev University, Warter Polymers Ltd., Feluwa Pumpen Gmbh и Холдинг Кабельный Альянс.
Сондай-ақ, Конгресс аясында екі стратегиялық сессия өтті. «Күрделі шикізат минералдары - стратегиялық активтер: болашақтың минералдарын зерттеу» атты Стратегиялық сессиясында Қ. Шарлапаев және халықаралық агенттіктер мен компаниялардың басшылары Қазақстанды күрделі минералдардың құнын құрудың жаһандық тізбегінің бөлігі, күрделі шикізат минералдары туралы заң аясында стратегиялық серіктестер үшін мүмкіндіктер, КСМ әзірлеу кезіндегі қиындықтар және оларды шешу ретінде қарастырды.
АММ конгресінің бірінші күні ҚР күрделі шикізат минералдары мәселелері жөніндегі ұлттық үйлестірушісі Әл-Фараби Ыдырышев пен Еуропалық инновациялар және технологиялар институтының (Германия) Бас директоры Бернд Шефер ұлттық технологиялық болжау орталығын ERMA-ға қосу туралы меморандумға қол қойды. Eurasian Resources Group (ERG) Халықаралық тау-кен металлургия Astana Mining & Metallurgy конгресінің алаңында Қазақстандық жеті өндірушімен жалпы сомасы 20 млрд теңгеден астам он offtake-келісімшартқа қол қойды, бұл сондай-ақ әріптестікті дамыту үшін Конгресс алаңының айтарлықтай тиімділігі туралы айтады.
«Қазақстанда пайдалы қазбаларды өндіру ережелері: ойын ережелері қалай өзгереді» атты Стратегиялық сессиясы жер қойнауы туралы кодексті, қатты пайдалы қазбаларды жер қойнауын пайдалану саласындағы заңнаманың ағымдағы мәртебесі мен өзгерістерін және салық саясатын талқылауды қамтыды. Қатысушылар арасында ҚР Өнеркәсіп және құрылыс Вице-министрі Иран Шархан, ТМК ірі компанияларының төрағалары мен басқарушылары болды.
Күрделі минералдар саласындағы тәжірибеге, әлеуетке және жаңа технологияларға баса назар аудара отырып, Қазақстандық және Еуропалық бизнес өкілдерінің диалогы «Қазақстан мен Еуроодақтың күрделі минералдар саласындағы әріптестігі» атты бизнес-форумында өтті, спикерлерінің бірі Қазақстан Республикасының Өнеркәсіп және құрылыс Вице-министрі Олжас Сапарбеков болды.
Амфитеатр аймағында өнеркәсіпті цифрлық трансформациялаудың жаңа құралы ретінде корпоративтік инновацияларды енгізу бойынша ИТП ДКҚ сессиясы, сондай-ақ «Байыту және қайта өңдеу - байыту фабрикаларын цифрландыру» атты Панельдік сессиясы өтті, онда спикерлер цифрландыру және өнеркәсіпке жаңа технологияларды енгізу тақырыптарын талқылады.
Сонымен қатар, бейресми достық атмосферада баспасөз-таңғы ас өтті, онда Қазақстанның негізгі және салалық БАҚ маңызды мәселелерді қарастырып, министрліктердің, ұлттық компаниялардың және ірі ТМК ұйымдарының баспасөз қызметтерімен тәжірибе бөлісті.
Сондай-ақ, конгресстің бірінші күні бағдарламасының мазмұнына ТМК үшін канадалық және қазақстандық әзірлемелердің тұсаукесерлері атты Кейс сессиясы; «ESG және орнықты даму стратегиялары» атты сессиясы; Дүниежүзілік Банктің тау-кен секторының диагностикасы: тұрақты пайда үшін реформаларды жүзеге асыру атты сараптамалық презентациясы кірді.
Ертең, 7 маусымда, АММ конгресі жұмысының екінші күні V Қазақстан Алтын өндірушілер форумы, V көмір форумы, «Ашық және жерасты тау-кен жұмыстарын цифрландыру» және «Цифрлық ортада болжау: ЖИ негізіндегі онжылдықтың сын-қатерлерін қалай болжауға және шешуге болады» атты тақырыптары бойынша Панельдік сессиялар өтеді. Амфитеатр аймағында «Алтын Гефест» салалық конкурсының жеңімпаздары конкурсқа қатысудағы табысты тәжірибелерімен бөліседі. Арнайы PR мамандары үшін тренинг өтеді, онда спикерлер PR-дағы жаңа бағытты талқылайды. GR meet-up мемлекеттік сектор өкілдерімен және Қазақстанның жер қойнауын пайдаланушыларының көпшілігімен сапалы іскерлік байланыс орнатуға мүмкіндік береді.
Іс-шараны Қазақстандық ITECA көрме компаниясы және оның халықаралық серіктесі ICA Events компаниялар тобы ұйымдастырды.
Мемлекеттік серіктесі: ҚР Өнеркәсіп және құрылыс министрлігі.
Алтын Серіктестері: Eurasian Resources Group (ERG), KAZ Minerals, Kazakhmys, Polymetal, ACF PIT. Күміс Серіктесі - Kazzinc. Қола Серіктестері - Hatch, Linde Gas Kazakhstan, Metso, SGS Kazakhstan.
